Creta. Altxorrez jositako beste irla bat - Esti Kerexeta

Urte batzuk dira Kalimnosen geundela, Greziako eskalada gida begiratzen Tersanas Caveeko argazki bat ikusi:

eta bertara joan behar ginela erabaki genuela... 

Aurten proposamen hori aurrera eramateko aukera izan dugu ( eta ez gara damutu!)

Halere, Cretara eskalatzera joatea hori baino gehiago dela ikusi dugu , izan ere beste bisita  baterako "lana"  utzi dugu. Oraingoan bakarrik ezagutu dugu mendebaldea:

Main rock climbing areas in Crete
No	Crag Name	Grade Range	Total No of Routes	Single or multi-pitch	Which Guidebook
1	Voulismeno Aloni	4c to 8c	44	Single	Greece Sport Climbing
2	Skoteino	5b to 8b+	15	Single	Crete North to South
3	Malia	6a to 8a	12	Single	Crete North to South
4	Treis Ekklisies	4c to 7c+	29	Single	Crete North to South
5	Agios Ioannis	4c to 6c+	28	Both	Crete North to South
6	Kapetanania	3b to 8a	136	Both	Kapetanania
7	Agiofarango	4c to 8a	105	Both	Crete North to South
8	Plakias	4c to 8a	42	Both	Crete North to South & Greece Sport Climbing
9	Marmara	5c to 6b+	5	Single	Climbing in Chania
10	Mount Gigilos	VI to VIII+	27	Multi-pitch	Climbing in Chania
11	Theriso	5b to 8a	44	Both	Climbing in Chania
12	Monte Vardia	5a to 7a+	58	Single	Climbing in Chania
13	Kalathas	5b to 7a+	46	Single	Climbing in Chania
14	Stavros	5b to 6b+	8	Multi-pitch	Climbing in Chania
15	Tersanas Cave	6c+ to 8b	20	Single	Greece Sport Climbing

Web orri honetan hainbat informazio aurkitu ondoren: www.climbincrete.com, Irailaren erdialdera Heraclionen lurra hartu genuen eta Grezian izan ditugun esperientzia guztiak bezala, dena primeran!: eskalada ederrak, eguraldi atsegina, jende jatorra, bazkari goxoak, merkea,.... 

Guk lehenengo gaua pasatzeko online dauden web orrietan hartzen dugu erreserba, baina gero bertokoekin moldatzen gara jasotako zerbitzuagatik ordaintzen duguna bertan gelditu dadin).Bataz beste 30€ gaua hotel edo apartamentuetan.

Aeroportutik gertu dagoen Voulismeno Alonin hasi ginen, dolina erraldoi honetan denetik dago, dena eskura eta bakar bakarrik egon ginen. Oso atsegina 

Hurrengo egunean gure helburura: Tersanas Cave! Bide zirraragarri batetik ordu erditxo bat ibili ondoren kobazulora heldu eta lepoa zuzen jartzeko astirik gabe bertako estalaktitak dastatzen hasi ginen.

Hemen bideak oso gogorrak dira eta ekipamendua nahiko zaharkitua dago, erne!. 

Kobazulo honetatik hurbil (bidearen %95 partekatzen duelarik) munduko 10 hondartza ederrenen artean sailkatu den Balos beach dago.

Hurrengo helburua, Skotino Cave, inguru oso polita izan arren eskalatzeko ez du pena merezi: bideak oso zikin daude eta jende asko hurbiltzen da kobazuloa ikustera. 

Theriso: Errepide bazterretan banatutako 18 sektore dituen arroil honekin ezusteko atsegina hartu genuen, ez da oso ezaguna baina primerako bide asko ditu eta batzuk oso berriak dira. 

Patsos arroilarekin beste horrenbeste: bide gutxiago baina oso onak. 

Bertara heltzeko egin beharreko ibilbide atseginean "cavechurch" Agios Antonios bisitatu daiteke.

Amaitzeko, Plakias eskola mitikoan eskalatu genuen. Bideak ez dira bereziki onak baina egia da ingurua paregabea dela, hondartza eder baten gainean! 

(argazkia: goxplore) 

Esan dezakegu Cretan eskalada ez dagoela Greziako beste eskualde batzuetan bezain garatuta potentziala handia izan arren.Iraileko azken hamabostaldian bakarrik beste kordada batekin topo egin genuen( jarraian Kalimnosera joan ginen jende asko egongo ez zela pentsatuz ...eta inoiz baino jende gehiago zegoen ! baina hori beste historia bat da. 

Argazkiak: Alexander Arrizabalaga